OK-傾!06
2006年11月16日第六集
勁人專訪系列第一炮!
專訪 彩菱動畫有限公司 Chairman & CEO 石少鳴先生
彩菱動畫有限公司大門外，嘩！好宏偉呀！
專業動師們正埋頭苦幹…努力！
前言
要處理的稿多到要舖滿地上。
放滿設定的原師工作室。
各位觀衆!坐定未？開Show啦!
兩主持跟石少鳴先生(中間者)合照。
想知道更多彩菱動畫有限公司資料，可到以下網站。
Posted in: 藝術/人文, 動畫與漫畫, podcast |
回應(7) | 回應的RSS | 暫時未有引用通告| 
(2)
ok-傾
2006 十一月 17 at 1:16 am OK-傾!越聽越正! 加油!
2006 十一月 17 at 1:28 pm Thanks Sam, keep going!
2007 二月 27 at 3:15 pm 同Louis 都叫相識，Colorland 的確有規模，不過佢始終係生意人，而畫動畫o既人，同出產動畫o既人係好唔同o既人種黎，學Louis 話齋，想成為產業，就要用冷血d o既眼光去睇呢個行業。不過如果你想當一個animation director ，就另作別論，你可以專注創作，但同時你都要兼顧老板比錢出黎o既目的，就係搵錢。所以響香港好難有老板會望幾年後先收倒錢，Imagi 係一個異數，會唔會再有咁o既異數出現呢 ? 機會略為微d。各位所提及o既方向，響生意人o既眼光黎睇，就係同發行商傾好價錢，已經有錢回左"龍" o既情況下先考慮o既因素黎，因為用冷血d o既角度黎睇，創作只係服務於產品，產品最終目的就係make profit。
2007 三月 13 at 12:49 am 陳根兄你好呀,有機會真係想同你吹吓水,講真要用動畫作為謀生,我自己現在呢一刻比以前係猶豫咗。當你要推開果吓阻力,係需要好大勇氣同決心。什至要犧牲好多嘢.....
2007 三月 29 at 3:10 pm 動仁兄，如果時間許可，我都想同你地見面交流下。響香港要用動畫..係指真係畫動畫黎搵食，的確難像登天，究其原因都係市場心態以快靚正為主，係缺一不可o既要求，當你埋首畫好手上o既畫稿時，客人的著眼點不是你的畫有多好，有多高藝術成份，他們(或者我們)著眼的...只是娛樂性，其實消費市場本來就係咁，世界處處皆是，只係由於各地風氣唔同，對動畫或者藝術品o既要求會有略高層次o既要求，正如有d 戲你明係一望就知得啖笑，有d 笑中有淚，有d 令人會心微笑感受致深，更加有d 令你笑完仲可以回味再三，但同樣有笑完一輪唔記得左套戲講咩，更可笑o既係，觀眾對o個d 笑完唔記得內容o既電影一d 咁多o既惋惜之情都無。
就以上種種，都可以粗略咁分出幾個唔高o既層次，而每一個層次(or 有人話係檔次)o既電影或故事就係唔同o既產品，各產品針對唔同o既觀眾層，而各觀眾層o既觀眾數目有著明顯的差距，若然以高，中及低三層級別黎概括香港o既觀眾層面，咁...以我o既觀察黎睇，中低層佔應該o既人數最多o既一個組別，中低層(次)觀眾同高層(次)之比，分分鐘係五十比一或者一百比一咁大，咁純動畫人如果想響香港以動畫成就事業，就要一開始製造d 買家一望就知有著數o既野，例如麥兜動畫將舊香港帶番黎比觀眾咁。....
下次再續...長篇大論..不知所言
以上純屬個人估野
ps ，以上所指o既高中低層次，係指對產品要求o既層次，同個人修養，學識及人格無關，唔好對號入座。
2007 四月 14 at 4:21 am 多謝你寫咁多自己見解同分析,動畫就係咁,一定要出唻講,而我自己見到問題係作者本身....有好多好多作者-根本-從來-無意-去study動畫本質。
只陶醉於導演二字，做一大堆moving image 就可以係動畫導演、有時碰見口講自己對動畫幾咁有熱誠和經驗人，當一看其作品，真的哭笑不得.....為做好自己啦,
好,有機會我再傾!
2007 四月 18 at 5:11 pm 唔只做動畫o既，拍片都係一樣，d 朋友仔諗著渣起DV 機拍完一輪，又剪完一輪o既片，就叫好片，有人問到我覺得佢地拍成點...我就會咁答佢...."拍左d會郁o既人囉，故仔...唔係好知講咩。" 當然...我都未到家可以拍到自己覺得好o既片，但知道方向總好過以為自己乜都識，乜都曉...係唔係先 ?
搵日出黎飲野詳談啦。BTW，好多謝你響CGV 個forum 度"頂左我一頂"，否則我又石沉大海架啦。始終我講緊o既都係悶夾無聊o既所謂動畫，我估唔多o岩一般人去聽...另一個角度睇，可能係因為無咩實用價值囉。